Notice: Function _load_textdomain_just_in_time was called incorrectly. Translation loading for the wordpress-seo domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /home/navaawaaj.com.np/public_html/wp-includes/functions.php on line 6114
पाकिस्तानमाथि भारतको अन्तिम बलमा जित - Nava Awaaj

Categories: खेलकुद

पाकिस्तानमाथि भारतको अन्तिम बलमा जित

मेलबर्न — भारतले ट्वान्टी-२० विश्वकप सुपर–१२ को समूह–२ मा आइतबार पाकिस्तानलाई सनसनीपूर्ण रूपमा चार विकेटले हराएको छ । जितका लागि १ सय ६० रन पछ्याएको भारतले अन्तिम बलमा विजयी रन बटुलेको थियो ।

रविचन्द्रन आश्विनले विजयी रन बटुले र भारत ६ विकेट गुमाएर जितसम्म पुगेको हो । भारतको जितका नायक भने विराट कोहली रहे । यससँगै उनले हारको संघारमा रहेको भारतलाई सम्झनालायक जित दिलाएका थिए ।

कोहलीले ५३ बलमा ८२ रन जोडेका थिए । उनले ६ चौका र ४ छक्का प्रहार गरेका थिए । भारतलाई जितका लागि अन्तिम ओभरमा १६ रन चाहिएको थियो । कोहलीले १९ औं ओभरको अन्तिम दुई बलमा लगातार छक्का प्रहार गर्दै भारतलाई खेलमा फर्काएका थिए ।

कोहलीले पान्ड्यासँग चौथो विकेटका लागि १ सय १३ रनको साझेदारी गरे । पान्ड्याले ३७ बलमा ४० रन बनाए । भारतले १० रन बनाउँदासम्म कप्तान राहुल शर्मा र केएल राहुललाई गुमाएको थियो । टस जितेर भारतले पाकिस्तानलाई पहिले ब्याटिङको निम्तो दिएको थियो । त्यसक्रममा पाकिस्तानले ८ विकेटमा १ सय ५९ रन बनाएको थियो ।

सस्तोमै प्रारम्भिक ब्याटर जोडी गुमाएको पाकिस्तानका लागि सन मसुदले ५२ र इफटिखर अहमदले ५१ रन बनाए । उनीहरूले तेस्रो विकेटका लागि ७६ रनको साझेदारी गरे । मसुदले नटआउट रहने क्रममा ४२ बलमा पाँच चौका प्रहार गरे । अहमदले भने ३४ बलमा दुई चौका र चार छक्का प्रहार गरे । भारतीय बलरमध्ये पान्ड्याले ३० रनमा तीन विकेट लिए ।

नव आवाज

Aashutosh Belbase is an SEO expert and content writer at navaawaaj.com.np. With a passion for exploring and writing about education, technology trends,and polictics Aashutosh brings insightful analysis and up-to-date information to readers. Continuously learning and evolving in the field of SEO, Aashutosh aims to help others understand and navigate the digital landscape.