काठमाडौं । प्रेम दिवसको अवसरमा प्राञ्जल पोखरेलको स्वरमा रहेको गीत ‘समय’ सार्वजनिक भएको छ । प्राञ्जलकै शब्द, संगीत, निर्देशन र कमल रानाको एरेन्ज, मिक्सिङ र माष्टरिङ रहेको गीतको भिडियो सार्वजनिक भएको हो । प्राञ्जललाई वेनिशा पौडेलले स्वरमा साथ दिएकी छिन् ।
योगेश शाक्यको छायांकन, सम्पादन र कलर रहेको गीतको भिडियोमा अनु आचार्य, अनेल पौडेल, आशिस कुमार केसी र प्राञ्जलको अभिनय रहेको छ । प्रेम दिवसमा आफ्नो प्रेमीलाई ‘प्रपोज’ गर्न तयार भएकी युवतीले अर्कै युवालाई ‘प्रपोज’ गरेपछिको घटनाक्रम भिडियोमा देखाइएको छ । अझै पनि यथार्थ घटना के हो भन्ने विषयमा भने ‘सस्पेन्स’ राखिएको छ । बुटवल, भैरहवा र लुम्बिनीका रमणीय क्षेत्रमा छायाँकन गरिएको गीतको भिडियो उत्कृष्ट बनेको जनाइएको छ । ओएसआर डिजिटलमार्फत गीतको भिडियो सार्वजनिक गरिएको हो ।
रुपन्देहीको भैरहवका स्थायी वासिन्दा प्रञ्जलको यसअघि सार्वजनिक गीत ‘दिलमा सर्किट बनेर’ निकै मन पराइएको थियो । आफ्ना अन्य गीत जस्तै यो गीतले पनि दर्शक÷स्रोताको साथ पाउने आफूले आशा राखेको प्रञ्जलले बताए । ‘सबैको मेहनेतले एउटा राम्रो गीत स्रोता÷दर्शकमाझ पस्किएको छौं, दर्शक÷स्रोताले मन पराइदिनुहुन्छ भन्नेमा आशावादी छौं’, प्रञ्जलले भने ।
